Da Gallaecia ó Cap de Creus.

Entre Nortes anda o xogo. De Norte a Norte era o viaxe e de Norte en Norte viaxamos, Norte na nosa Gallaecia, Norte no Cap de Creus, Tramontana. Ese foi o sino deste desprazamento dos nosos barcos e da 1ª Festa de la Mar.

Cando o mércores 03 cargabamos (11 embarcacións) no peirao de Tragove en Cambados, xa o vento impedíalle a grúa operar con facilidade. Por imponderables tiñamos que rematar de cargar o xoves pola mañán, e aí xa o mecanismo da grúa lle dixo que non, que non podía traballar con tanto vento. Tivemos que recurrir a da Confraría que resultou non funcionar e o final recordando vellos tempos de autoestopista, paramos unha grúa pola estrada que nos axudou namentres a do Concello de Cambados fixo a súa aparición. Gracias a Celso do carro de Tragove a Confraría a Pavimentos Meaño (asaltado na estrada) e o Concello de Cambados pola súa colaboración na carga e descarga das embarcacións.

E tamén estrenabamos sistema novo, dous pisos, en andamios viaxaron as gamelas e a catraia de Viana. Realmente un éxito en aproveitamento de espacio pero mentras non chegaron os barcos algún nin comeu nin durmeu. Pero todo ben. Moi ben. O chegar a Cadaqués fixeronse os axustes que permitiron que todo mundo estivera tranquilo a volta.

Esta viaxe escomezaba o xoves coa invitación que tiña a FGCMF. para estar cos galegos a Casa de Galicia en Barcelona, na popular Rambla das Flores, e expoñerlle o noso traballo, alí estiveron Uxio Allo (por navegación), Xabier Camba (Ardentía) e Fernando Piñeiro na súa calidade de presidente, acompañados por J. Trepat de Thalassa e J. Vazquez, presidente da Catalana. Fixo de interlocutor e anfitrión J. L. Vergara fillo de galega e polo mesmo arousan.
Logo o venres coordinábase a arribada nunca mellor dito por terra e aire das nosas tripulacións e embarcacións, a furgoneta que trasladaba a Toño o noso cesteiro foi levada ata ala por J. Pena e Telmo que papearon así os 2.900 km. de estradas e tiñades que ver como é a que nos leva a Cadaqués (así é de bonito aquelo, parque natural).
Venres quedaban montadas a exposicións da FGCMF. a do patrimonio e a dos barcos do Rio dos nosos compañeiros de Barcas do Miño que para a ocasión tamén puxeron a nosa disposición a Barca do Cave e o Barco de Dornas (espectacular).
Mentras Moncho e Juan os nosos conductores dos trailers, dabannos a información de que os barcos iban perfectamente. A estes dous homes habería que darlles unha medalla pois dende o primeiro día comportáronse como dous membros mais de nos. Ou mellor, pois en todo momento prestaron a súa colaboración e esforzo para que todo saíra ben. Nesta ocasión os homes da empresa Barreira, enviados por GEFCO, foron exemplares no seu traballo e implicación.

Oíchedes falar da Tramontana, bueno, pois algúns falaremos moito tempo, como sopla, alí estabamos na “praia” da Port Lligat no Cap de Creus, nunha pequena badía onde o Dali amarraba a súa Gala e miraba o mar dende as súas casiñas de mariñeiro xunguidas. E tiñamos vento real, o surrealismo ali non tiña razón, non sei calculala forza da Tramontana, alí decían que non era moito (como será eso?).
E no medio do vendabal escomenzamos a baixar as nosas embarcacións. A Lui, quedou pendurada por un cabo (seneira) pequeño e unha das gazas da grúa (a outra esbarou e foise ata petar co pau da vela que iba deitado na embarcación e sobresaía pola proa) o momento e para a historia a “Lui” iba de lado a lado no aire a 5 m de altura pendurada por un cabiño …… hai fotos. Da cara de Jorge, seu dono, non temos ningunha.
Ai door !!! foi a primeira, tiñamos moita presa, logo baixamos dez mais sen problema.

A Lui en perigo

 

Once embarcacións mollándose no Mediterraneo, ata ali foron 2 gamelas, coruxeira e gardesa (Breadouro e Sodinautica), 1 buceta (ACD Dorna, patroneada por xente de CM. Ferrol), 1 dorna de Tope (ACD. Dorna), 1 catraia (Barcos do Norte), 3 polbeiras de 9 cuartas (Lajareu, AD. Portonovo e ACD. Dorna) 2 dornas de 9 con duas e tilla corrida (Lajareu por Barlovento) e a barca do Cave (Barcas do Miño). Toda unha excelente representación, no mar na terra, que impresionou polo seu despliegue. E que poido ser levada grazas a colaboración da Consellería de Pesca e a voluntariedade dos nosos.

Como decía, o igual que en Cambados quixeron facer as cousas tan ben que se lles foi a man no vento, todalas noites mirando si amainaba e todalas mañáns esperando o milagre, e non foi así, no medio da Tramontana a Laberca, a Vikinga a Lui e a Gamela de Sodinautica pasaron de remolque dende Port Lligat a Cadaques, a segunda badía e principal escaparate da Festa, alí atoparonse con botes de Mahó, Mallorca e Menorca ou co batel de Bermeo que trouxo o Koiote, que chegaran en remolques liviáns e foran directamente a este escenario ante a imposibilidade de navegar dende Port Lligat.

remolque en Cadaques

 

O domingo a tarde baixou a Tramontana e antes de que entrara o Garbí (Sur), nese intre a Moura (dorna de Lajareu) e a Nsa. Sra. Da Agonía, deron a volta o cabo de Cadaques e mudaron de badía e alí con propios e alleos percoreron de Norte a Sur e de Este a Oeste lucindo as relingas no medio das latinas os brancos cos negros e alquitráns. Ali non poideron chegar o numerosos barcos que dende portos cercanos agardaban a caida do vento para poder navegar foi unha magoa.

Soaron as gaitas bailaron as panderetas e riscaron as cunchas que coas gorxas de todolos navegantes fixeron un exercicio de navegación e alegría sincronizada. Noutra ocasión navegaremos, namentras disfrutamos do coñecemento, das charlas e do vivir a cultura marítima, das xentes de aquí e de ala, Andaluces, Cataláns de un lado e do outro, Maiorquíns, Menorquins, de Port Mahó, xunto con Vascos, e Galegos da Gallaecia, cruzamos desexos de voltar a vernos aquí ala, noutro lado, somos nos, os da latina os da relinga os dos remos, os do esforzo. Foi a 1ª Festa de la Mar, de seguro haberá mais. Graciñas a Quico, Josep, Joan, Sr. Veil e o ferreiro e o da grúa …….. Parabéns

Agora quedamos todos para vernos en Málaga a finais de setembro, onde ó carón da Asteleiro Nereo votaremos unha man para axudar a levar o patrimonio marítimo e fluvial, que é de todos.

Etiquetas

Un comentario sobre “Da Gallaecia ó Cap de Creus.

Comments are closed.