Mar ao Xeito. 20 anos recuperando unha cultura

O vindeiro sábado 4 de xuño ás 19:00 h, vaise inaugurar no Museo do Mar de Galicia a exposición Mar ao Xeito. 20 anos recuperando unha cultura.

Esta exposición conmemora o aniversario da recuperación do pecio da lancha xeiteira Marina, en Caldebarcos, levado a cabo polos membros da Escola-Taller de Capintería de Ribeira organizada pola Xunta de Galicia, a que logo sería a Aixola, e os inicios da construción da súa réplica, a Nova Marina, hoxe navegando en augas da Arousa.

Este feito marcou dalgún xeito o despegue da actividade de recuperación da cultura marítima galega, despegue que foi o xermolo do nacemento pouco tempo despois da Federación Galega pola Cultura Marítima, co tempo tamén Fluvial.

A exposición fai un repaso deste proceso, e quere render homenaxe a todas as persoas e institucións que ao longo de 20 anos traballaron arreo pola recuperación da cultura marítima e fluvial de Galicia.

Etiquetas

Un comentario sobre “Mar ao Xeito. 20 anos recuperando unha cultura

  1. Hoy tuve la oportunidad de pasarme por allí a ver la exposición y la embarcación, merece la pena pasarse, me gusto mucho el homenaje a estos veinte años recuperando la cultura marina, doy gracias a las personas que organización la exposición.

    Un saludo.

Comments are closed.