O Scottish Fisheries Museum ten novo web, e é unha pequena marabilla. O museo ten a súa sede en Anstruther, en Fife, no leste de Escocia. Anstruther é unha pequena vila que agora vive do turismo pero foi un importante porto pesqueiro.

No web do museo ademais da información de horarios, etc, podemos atopar unha serie de galerías fotográficas de diversos temas: unha colección de fotografía antiga; unha coleccion de pintura, unha colección de fotografía das navegacións dos barcos do museo; exposición permanente e temporais; e moitas outras de interese.

Especialmente interesante son as páxinas dedicadas ao Reaper, o buque insignia do museo. O Reaper é un fifie, un barco de pesca do arenque, construido en 1902, de 21,5 metros de eslora, e que arma duas velas ao terzo. E como se pode ver na foto de abaixo navega en todo tempo.