Xornadas, congresos, etc

Crónica do Salón Naútico de Barcelona


Aínda que as portas do salón Náutico de Barcelona abrieronse ao público dende o sábado día 7 ata o domingo 15 de novembro, para os representantes da Federación Galega pola Cultura Marítima e Fluvial o Salón Naútico durou algún día máis.
Mércores 11: seleccionouse todo o material que se ía levar a Barcelona e trasladouse ao Museo do Mar de Galicia para centralízalo.
Xoves 12: cargouse todo o material nunha furgoneta que saíu cara a Barcelona da man do primeiro equipo da expedición galega, formada por Uxio e Manolo (Cultural Dorna) que se encargaron de montar o stand e atendelo ata o martes día 10
Martes día 10: Uxio e Manolo regresan a casa xa que chegou o relevo formado por Braulio e Arturo Loureiro (Mariñeiros de Bouzas e Club de Mar de Ferrol).
Xoves 12: pola noite incorporase Victor (o presi) para participar nas xornadas técnicas que teñen lugar no Museo Marítimo. Acompañao Laura (a súa filla) que reforza a atención no stand da Federación.
Venres 13: Victor e Braulio participan nas xornadas técnicas
Sábado 14: A expedición galega presenta na taberna da Mariña Tradicional do salón Naútico o documental sobre o IX Encontro de Embarcacións Tradicionais de Galicia, acompañounos no acto o Grupo de gaitas do Centor Galego de Barcelona.
Domingo 15: á última hora da tarde, Braulio e Arturo desmontan o stand e o cargan na furgoneta.
Luns 16: O segundo equipo traslada a furgoneta ata o Museo do Mar en Vigo
Martes 17: un equipo da asociación de Mariñeiros de Bouzas descarga todo o material.

Compre destacar que o Salón Náutico deste ano notou fortemente a crise, xa que reduciu o seu espazo á metade con respecto ao ano pasado.
Polo que respecta a nosa Federación hai que salientar que tanto nas xornadas técnicas como no espazo da Mariña Tradicional (onde tiñamos o stand), establecéronse importantes contactos de cara a iniciar accións encamiñadas ao recoñecemento das embarcacións tradicionais, tanto no plano legal como na súa valorización pola sociedade en xeral.


Un mar de madeira. II Xornadas de construción naval en madeira


A Asociación Galega de Carpintería de Ribeira (Agalcari) organiza as II Xornadas sobre construción naval en madeira, que van ter lugar en Ribeira o vindeiro sábado, 31 de outubro.
Estas xornadas van servir para que os distintos axentes que interveñen na construción naval poidan poñer en común os seus puntos de vista. Tamén se vai presentar o Regulamento de construción naval en madeira que Agalcari elaborou como un documento base para futuras normativas de construción naval.
Hai que suliñar a presencia entre os ponentes das Xornadas de representantes de todos os sectores implicados: carpinteiros, enxeñeiros, técnicos da madeira, Mariña Mercante, Capitanías, etc.

Xornada Técnica sobre embarcacións históricas: a problemática da súa xestión

No marco do Saló Nàutic Internacional de Barcelona o Museu Marítim de Barcelona organiza unha Xornada técnica sobre embarcacións históricas o venres 13 de novembro.
Esta xornada pretende poñer en común as visións do problema da xestión deste tipo de barco que teñen administracións estatais e autonómicas, propietarios, entidades culturais, etc. E plantexar vías de solucións a graves problemas que hoxe en día teñen os propietarios destas embarcacións.
Nesta xornada participará na mesa redonda Víctor Fernández, presidente da FGCMF, aportando a visión que deste problema se ten desde Galicia.
Máis información no programa, e na folla de inscrición

O Património Marítimo e a Formação Profissional – parcerias para o desenvolvimento de profissões ligadas ao mar.

No marco do 3º Encontro de Embarcações Tradicionais na Baía do Seixal, organizado polo Ecomuseu Municipal, tivo lugar uha sesión pública sobre O Património Marítimo e a Formação Profissional – parcerias para o desenvolvimento de profissões ligadas ao mar na que a FGCMF foi representada por Dionisio Pereira, e da que agora se publica un balance e unhas recomendacións.
Este documento plantexa vías moi interesantes, dalgunha forma paralelas ás que se están a prantexar en Galicia, para facer que pervivan as embarcacións de interese patrimonial, e os oficios que lles son propios, tanto os relacionados coa navegación como coa construción en madeira, e sempre desde unha perspectiva de futuro, de innovación e adaptación ao cambio.

Presentación do Proxecto Dorna no IX Encontro


No marco do IX Encontro foi presentado o proxecto Dorna.
O Proxecto Dorna (Desenvolvemento Organizado e Sostible de Recursos no Noroeste Atlántico) é un proxecto europeo que pertence ao Programa Espacio Atlántico, liderado pola Deputación da Coruña, e que ten como obxectivos identificar e poñer en valor o patrimonio náutico das rexións europeas atlánticas, promover o desenvolvemento endóxeno e sostible do sector naval no espacio atlántico, e desenvolver o sector turístico relacionado coa náutica tradicional.
Como accións significativas do proxecto están a creación dun inventario do patrimonio náutico das rexións atlánticas, elaboración dun Plan Director de recuperación das infraestructuras dos estaleiros tradicionais, etc.
Os socios do proxecto son a Consellería do Mar, Oarsoaldea, Colexio de Arquitectos de Galicia, Associaçao das Industrias Marítimas (Portugal) Causeway Coast Maritime Heritage Group (Irlanda do Norte) e Galgael Trust (Escocia).
E como asociados ao proxecto están a FGCMF, Conseil Regional de Bretagne, Colegio Oficial de Ingenieros Navales y Oceánicos, e o Centre of Maritime Archeology of Ulster.

Baleação, memória e identidade – Uma perspectiva multicultural

O vindeiro 24 de xullo vai ter lugar nas Lajes do Pico (Azores) o seminario Baleação, memória e identidade – Uma perspectiva multicultural coa presenza de expertos de varios paises, e no que vai participar Dionisio Pereira en representación da FGCMF.
Este seminario está organizado polo Museu do Pico, dentro do Projecto Comunitário Baleiaçor.
Ao día seguinte terá lugar a Regata de botes baleeiros das Ribeiras, 1ª edição da Regata João Baptista Medina. Os que asistiran ao VIII Encontro, en Ferrol, seguro que non esqueceron o bote baleeiro que nos visitou desde o Pico, pola súa fermosura, pero sobre todo pola súa velocidade no mar.

O futuro dos ecomuseos a debate en Muros

O director do Museo do Mar de Galicia, Pablo Carrera, xunto ao presidente da Federación Galega pola Cultura Marítima e Fluvial -FGCMF-, Víctor Fernández, e ao o presidente do Comité Organizador do Encontro, Manuel Sendón, inaugurará mañá, xoves 9 de xullo, ás 9.30h. na Casa da Cultura de Muros, as Xornadas Técnicas que se enmarcan no IX Encontro de Embarcacións Tradicionais de Galicia.

As Xornadas, organizadas polo Museo do Mar de Galicia e centradas nos Ecomuseos e o desenvolvemento sostible, irán orientadas a debater sobre a protección do patrimonio marítimo e natural e a espertar o incremento dun turismo activo baseado na riqueza patrimonial da ría de Muros e da Costa da Morte.

Entre os relatores que estarán presentes pódese destacar a Delphine Grisot, da Federación Francesa de Ecomuseos e Museos de Sociedade; a Graça Filipe, do Ecomuseo de Seixal (Portugal); a Dragana Ratkovic, da Casa della Batana de Rovinj (Croacia), e ao director do Museo do Mar de Galicia, Pablo Carrera. Xunto a eles tamén estarán diferentes representantes de museos e asociacións da península coma Eusebi Casanellas, do Museo Nacional de Ciencia e Tecnología de Catalunya; Almudena Orjales, do departamento de Turismo Pesquero da Junta de Andalucía; Rafael Serrano Seseta, da facultade de Arquitectura da Universidad de Sevilla; ou Xerardo Triñanes, da Asociación Galega de Carpinteiros de Ribeira.
Máis información no programa

Xornadas Técnicas: Ecomuseos e a posta en valor do patrimonio cultural marítimo

Dentro do IX Encontro van ter lugar as Xornadas Técnicas organizadas polo Museo do Mar, que nesta ocasión van tratar o tema Ecomuseos e a posta en valor do patrimonio cultural marítimo.
Vanse desenvolver os días 9 e 10 e contarán coa presenza de relatores de Portugal, Francia, Croacia, Cataluña, Andalucía e Galicia.
Haberá tradución simultanea, e a inscrición é gratuita.
Para ter información máis completa xunto co boletín de inscrición podedes consultar o programa

A mariña mercante baixo o franquismo. Xornadas


Os vindeiros 2 e 3 de xullo vai ter lugar no Museu Marítim de Barcelona a xornada La marina mercant sota el franquisme.
Estas xornadas pretenden repasar o que supuxo o franquismo na mariña mercante, pero non desde o punto de vista económico, senón desde o punto de vista dos profesionais da mercante.
Vaise prestar especial atención aos aspectos relacionados coa organización do sector, a loita sindical, e os cambios durante a transicion democrática. De Galicia van participar Xosé Manuel Suarez e Dionisio Pereira.

O noso patrimonio marítimo. San Cibrao. Xornadas

Mañán 30 de maio, vai ter lugar en San Cibrao a Xornada O noso patrimonio marítimo.
O evento constará dunha visita á Carpintaría de Ribeira de Fra ás 17:30, que ten unha tradición contructiva de mási de cen anos e onde se explicará como se construían os pailebotes, trincados, etc. Logo haberá unha conferencia de Dionisio Pereira ás 18:30 sobre o tema da xornada no Museo do Mar de San Cibrao.
Esta xornada inscríbese no ciclo Arredor do Mar, organizado por MariñaPatrimonio.
Actualización: Está disponible un album de fotos deste evento cunhas moi interesantes imaxes da carpintería de Fra.

Distribuir contido