Xa son públicos os materiais das pasadas xornadas Retos e oportunidades para as embarcacións patrimoniais no cadro da Estratexia Marítima para o Arco Atlántico 2014-20, organizada pola FGCMF, coa colaboración e patrocinio da Consellería do Medio Rural e do Mar e no marco das accións do proxecto Nautismo Espazo Atlántico (NEA2).

Das ponencias e do falado na Mesa redonda extraeuse unha idea principal: temos que facer lobby. O traballo feito todos estos anos por diferentes organismos e asociacións pode render un froito maior se somos capaces de artellar unhas liñas de acción coordinadas e que fagan chegar ás institucións a petición de marcos normativos adecuados e liñas de financiamento para sostelos. Dado que cada vez máis o campo de xogo é a Unión Europea, é importante facer chegar a nosa voz ás institucións comunitarias, como o Parlamento Europeo, onde é posible conseguir apoios para o sostenemento do patrimonio marítimo e fluvial.

As conclusións poden resumirse en:

• Facer lobby
• Aproveitar experiencias dos proxectos e estudos abordados anteriormente
• Liderar Grupo de traballo Cultura e Turismo no Arco Atlántico
• A construción naval en madeira, unha actividade económica con saber facer tradicional e non unha actividade etnográfica
• Harmonizar criterios de escolla das EIP’s
• Promover estudos tipolóxicos
• Implicar ás Universidades
• Promover titulación específica en embarcacións tradicionais adicadas á pasaxe

Como propostas de futuro considerouse a máis significativa a de activar de novo a Comisión para o recoñecemento das Embarcacións de Interese Patrimonial
como mecanismo para promover a harmonización de criterios para as EIP, os estudios tipolóxicos e a capacitación profesional para as tripulacións de EIP que se adiquen ao pasaxe.

Estes temas puxeronse en común e foron debatidos pola tarde nunha mesa que reuniu a técnicos das deputacións de Pontevedra e A Coruña, das Consellerías de Cultura e Educación e Medio Rural e do Mar, da Dirección Xeral de Mariña Mercante, da Asociación Galega de Carpinteiros de Ribeira, da Secretaría Xeral de Turismo, do Colexio de Enxeñeiros Navais e da propia Federación. Ao remate da Mesa houbo unhas interesantes intervencións do público asistente.

Recomendamos unha lectura demorada e visionado destes materiais porque neles está moito do que vai ser significativo para o patrimonio marítimo e fluvial nos vindeiros anos, especialmente no que respeta a UE no periodo 2014-2020.

Os materiais das Xornadas son:

• Informe final das Xornadas (con tradución ao español)
• Ponencia de Pablo Carrera (pdf) (video) que resumiu a información sobre os avances que para o recoñecemento do valor patrimonial das embarcacións tradicionais se levou a cabo en Galicia recentemente, especialmente no último ano.
• Ponencia de Juan José Escolar, Capitán Marítimo de Vigo (pdf) (video) que plantexou as novidades ao respecto da futura norma de transporte marítimo que está a preparar a Comisión Europea, a súa repercusión sobre as embarcacións históricas, e tamén dos postulados da propia Dirección Xeral ao respecto desa futura norma.
• Ponencia de Inmaculada Valencia, Directora Xeral de Economía e Asuntos Europeos do goberno de Cantabria (video) que falou das principais liñas de traballo que vai seguir a Comisión do Arco Atlántico da Conferencia de Rexións Periféricas Marítimas de Europa.
• Traballo sobre o recoñecemento das Embarcacións de Interese Patrimonial
• Estrutura da base de datos DORNA
• Manifesto de Xixón
• Plan de acción para as Embarcacións de Interese Patrimonial
• Estudo paramétrico da dorna
• Contribución do Arco Atlántico á Estratexia Marítima de Europa
• Carta R. Manson (CE-DG MOVE) sobre seguridade en buques de pasaxe, referido a históricos e veleiros
• Mesa redonda (video)
• Mesa redonda. Intervencións do público (video)