O comité organizador da Copa Mörling vén de tomar a triste decisión de adiar a Regata do Sepelo, en Portonovo, debido á previsión de mal tempo (ventos fortes, mar de fondo e choiva). A regata estaba prevista para este sábado 18 de xuño ás 16 horas.

A organización está a estudiar a posibilidade de aprazar este evento para outro día, aínda que a decisión non está tomada.

A XIII Regata do Sepelo é a primeira das probas integradas na Copa Mörling de Dornas a Vela, un circuito de 5 regatas que se van celebrar nas rías de Pontevedra e Arousa entre os meses de xuño e agosto.