Abre a pesca das vieiras en Cambados, pechada pola toxina, e en BoudeVara hai dúas magníficas reportaxes sobre a pesca de vieira (outra) con rastro. Gran parte das fotos das reportaxes son de Monica Yrago, fotoxornalista, e que non podemos reproducir aquí, pero que recomendamos ver. A imaxe de arriba mostra un barco de Cambados traballando á vieira con rastro no 2008.

E como contrapunto á reportaxe de BoudeVara podedes ver a serie de 5 minireportaxes La route des Saint-Jacques (O camiño das vieiras) sobre a pesca de vieira en Port-en-Bessin (Normandia) feitos pola televisión France2 hai poucos días. As reportaxes siguen todo o proceso da viera, desde a pesca ata o consumidor final. É interesante ver o tipo de barco, e sobre todo o tipo de rastro que usan para coller a vieira. A flota francesa ten un contencioso cos veciños irlandeses, ingleses e escoceses, porque non están sometidos aos límites de pesca dos franceses que datan da primeira guerra mundial, pero que pescan na mesma zona. O conflito chegou a maiores o pasado outubro cando houbo enfrontamentos entre ambas flotas.

(Vía Through the gaps)