Culturmar participará con un stand propio na décimo quinta edición de Culturgal, que terá lugar no Pazo da Cultura de Pontevedra desde o xoves 24 ao domingo 27 de novembro.

A presenza nesta feira cultural servirá para difundir a labor de salvagarda da cultura marítima e fluvial levada a cabo polos colectivos federados, así como para presentar aos axentes culturais do país a frota tradicional como vehículo para o desenvolvemento de actividades relacionadas co patrimonio e a tradición mariñeira.

A nosa participación será posíbel grazas ao financiamento da Consellaría do Mar.