Culturmar renova a súa Xunta Directiva

Na Asemblea Xeral Extraordinaria celebrada o sábado 27 de xuño no Auditorio da Xuventude de Cambados, Culturmar renovou a composición da súa Xunta Directiva.

Manuel García Sendón, até agora presidente da federación, e Víctor Fernández, que durante anos ocupara tamén o cargo, finalizan a súa participación no organismo directivo após décadas de dedicación e entrega. Ambos foron despedidos con palabras de profundo agradecemento por parte dos colectivos presentes e dos seus compañeiros de traballo na defensa da cultura marítima e fluvial, recoñecendo a súa traxectoria de compromiso e os seus magníficos logros á fronte de Culturmar.

A nova Xunta Directiva estará presidida por Pepe Sacau Fontenla, membro da Asociación Mar de Muros que viña ocupando até este momento o cargo de secretario. A equipa foi tamén reforzada con novas incorporacións e redistribuíronse algunhas das responsabilidades individuais.

Eis a nova composición da Xunta Directiva:

Presidente

José Luis Sacau Fontenla

Asociación Mar de Muros

Vicepresidente

Xaquín Lores Torres

Grupo Etnográfico Mascato

Secretario

Daniel García Níñez

Asociación Cultural e Deportiva Dorna

Tesoureiro

Enrique Sendra Ortega

Asociación Recreativa Mar da Pedra de Amigos das Gamelas

Vocal

Pablo Carrera López

Asociación Amigos do Museo do Mar de Galicia

Vocal

Marcos Buide Pollán

Asociación Cultural Lajareu por Barlovento

Vocal

Alberte Mozo Quintela

Asociación de Mariñeiros Artesanais e Deportivos San Miguel de Bouzas

 

Etiquetas

Deixa o teu comentario

O teu enderezo electrónico non se publicará Os campos obrigatorios están marcados con *