Mañá sábado 17 de setembro ás 16:00 h vai ter lugar a I Xuntanza de Embarcacións Tradicionais de Betanzos. Este evento está organizado por Barcos clásicos de Galicia e conta coa colaboración dos Patexeiros, dos Amigos das Embarcacións Tradicionais de Galicia e do Club Náutico de Ares. O lugar de amarre dos barcos será no Porto vello e está previsto que remate ás 20:00 h para poder aproveitar a marea para baixar o rio.