“El Orzán” é un barco de ferro construído en 1964 nos estaleiros Paulino Freire, en Vigo. Un grupo de persoas está promovendo unha campaña para a recuperación deste barco para salvagardalo e usalo como museo flotante na Coruña e o pleno do Concello da Coruña do pasado día 10 de setembro aprobou unha moción do BNG neste sentido. “El Orzán” formou parte da flota de Gran Sol da Coruña e posiblemente sexa o barco mais antigo do seu tipo a flote en Galicia. Aínda que orixinariamente era un arrasteiro, ao longo da súa vida sufriu considerables modificacións, sobre todo na súa obra morta, para dedicalo á outro tipo de pesca.

Valoramos positivamente esta iniciativa. “El Orzán” é unha oportunidade. Asi mesmo consideramos que calquera esforzo por salvar “El Orzán” debe ir precedido dun estudo completo que avalie as posibilidades e custos de recuperar o barco e sobre todo avalie as posiblidades de darlle un uso social posteriormente. O patrimonio marítimo é algo valioso e debe ser coidado e respectado, de nada valería salvar o barco se logo a cidadanía non pode desfrutar deste patrimonio.

Ligazóns relacionadas

• https://www.lavozdegalicia.es/noticia/coruna/coruna/2020/06/29/orzan-pesquero-antiguo-puerto-agoniza-oza/0003_202006H29C5991.htm
• https://industriaspesqueras.com/noticia-62533-sec-Portada
• https://www.elespanol.com/quincemil/articulos/actualidad/el-orzan-el-arrastrero-de-1964-que-busca-ser-salvado-y-convertido-en-museo-en-a-coruna
• https://www.elespanol.com/quincemil/articulos/actualidad/el-orzan-el-arrastrero-de-1964-anclado-en-a-coruna-mas-cerca-de-convertirse-en-museo
• https://21noticias.com/2020/09/nueva-normalidad-lxix-fuerte-movimiento-ciudadano-para-rescatar-el-pesquero-el-orzan/