O vindeiro 31 de maio vaise presentar oficialmente a páxina web da Lancha Poveira do Alto, a Fé Em Deus.

A páxina que está xa á vista, mellora por días coa incorporación de moito material moi valioso. Neste momento hai unha completa cronoloxía da lancha, abundante bibliografía co texto completo, moita dela inencontrable hoxe en día, e outra información de interese.

Este ano cúmprense 20 da súa construción e con este motivo non só se preparou esta páxina, senón que na Póvoa están a traballar para celebrar a efemeride cunha serie de actos, ente eles o II Encontro da Rede Nacional de Cultura do Mar o día 2 de setembro, e I Encontro de Embarcações Tradicionais da Póvoa de Varzim, os días 3 e 4 de setembro.

A relación da FGCMF coa Póvoa ven de vello, como poderedes ver na presencia de Galicia na cronoloxía das actividades da Lancha, e nos cadernos en pdf dos tres primeiros Encontros de Embarcacións Tradicioanis de Galicia, hoxe xoias documentais que están a dispor de todos nesta páxina da Lancha.
Sempre se pon como referente da FGCMF a Federación bretona, pero moitas veces esquécese o papel que os poveiros e en xeral os portugueses do norte tiveron no nacemento da FGCMF.

As boas relacions de membros do que logo sería a FGCMF con Manuel Lopes, o impulsor da construción da Fé em Deus, e Octávio Lixa Filgueiras, un dos grandes estudiosos do patrimonio marítimo do Norte de Portugal, propiciaron a creación de lazos entre a FGCMF e a Póvoa que chegan ata hoxe.
Como exemplo desta relación temos que decir que a primeira vez que o primeiro presidente da FGCMF falou en público en representación dela foi na Póvoa en 1994, no que Dionísio Pereira participou no coloquio Patrimonio marítimo, que futuro?, xunto a Staffan Mörling e Octávio Lixa Filgueiras.

A FGCMF anima a todos a participar nos actos de conmemoración. Conforme se vaian concretando os detalles dos actos de conmemoración do aniversario da Lancha iremos dando conta deles aquí.

(Vía Caxinas…)