Máis de 60 barcos inscritos para o 15 Encontro

O ritmo de inscricións de embarcacións participantes para o 15 Encontro de Embarcacións de Galicia non decae, pasando xa das 60.

A cifra apunta a que a participación na grande festa da cultura marítima e fluvial alcanzará sen problema a de edicións anteriores, o cal é unha grande noticia dadas as circunstancias adversas.

Nos dous meses que restan até a celebración do Encontro, que terá lugar en Moaña entre o 5 e o 8 de agosto, espérase aínda a confirmación de moitas máis embarcacións por parte de colectivos de toda a costa galega e de outros lugares do mundo.

Desde aquí facemos un chamamento a realizar canto antes a inscrición de embarcacións, de cara a facilitar as tarefas organizativas relacionadas.

Etiquetas

Deixa o teu comentario

O teu enderezo electrónico non se publicará Os campos obrigatorios están marcados con *