Como xa dixemos anteriormente o Carmen Barcia está á venda. O estado do barco non é moi bo, debido a uns anos de inactividade e ao furacán Flora que lle causou danos na obra morta.

Por causa de circunstacias persoais e económicas o seu propietario vese obrigado a buscar unha saida a este proxecto no que leva traballando desde o 1994. Está disposto a vendelo, pero tamén a facer unha sociedade ou a que se forme unha asociación que continue a recuperación, pero ao propietario gustarialle que quede en Galicia e para iso está disposto a reducir o prezo de venta. No seu web imrama.com tendes ampla información sobre o proxecto e as expectativas que para el ten o propietario. Tamén hai unha serie de fotografías que recollen a evolución do barco desde o ano 1994 aos últimos días.

Se alguén está interesado, tanto na adquisición como en axudar a que este barco navegue outra vez en augas galegas, pode contactar co armador no telefono ou no correo que aparece no seu web.